工作有感：攞命困獸鬥

剛剛完成JFK (NYC) 機返港, 我的疲累絕無法用文字表達。3個字 - 困獸鬥。

班機咩人多?你懂的。我做左咁多年服務業(都唔係好多, 7年〒_〒 ), 都比較喜歡招呼某國人 (很強那種)。 why? 佢地容易話為, 同聲同氣講句 “這是最好的”, 10個有8個都聽你話, 又唔會投訴, 最多解釋多兩句姐。

今班機唔係講笑, 我唔係歧視佢地, 但佢地好鍾意同規矩作對。由起飛, 到安全帶燈號亮起, 以至降落, 我都要三番四請逐個逐個請太皇太后坐好。請一次唔夠, 請第二次唔緊要, 你乖乖聽我話就好。但一個起身去厠所就所有人都去。“點解唔去得?” “小孩子要去大便” 太皇太后，安全緊要呀, 你皇兒係厠所搖一搖, 撞親, 我邊到賠個仔比你！佢地有一大堆多藉口同理由同你抗行。

Pre landing check, 有個大嬸攬住 係攬住佢d 大大件既行李, 請佢放好係行李架上, 佢竟然話一陣攞唔番出黎 (反白眼)， 我仲見到overhead compartment 係打開左, 好明顯係佢知道要降落, 冇蝕底拎晒出黎, 第一個衝出cabin。講極都唔聽... 真係攞命!

其實如果佢地肯聽人講, 守下規矩, 顧下旁人感受, 諗下後果, 佢地會係好人。但佢地真係太多藉口, 所以服侍佢地好晒體力同精神。overall 我都堅持佢地係nice customer but not a good passenger。賺佢地錢就無法避免, 唯有容忍下同比多少少耐性。比起投訴國人, 佢地已經好十萬倍。

哩篇post 純發滯下身心疲勞, 非針對某國人。各國各人種都有好同壞, 香港人都唔例外。不過做哩行預左^_^;

Anyway good luck & cheers!